Konflikti në Ballkan nuk ka qenë aq i ndjeshëm sa është tani për një kohë të gjatë. Kryeministri i Kosovës Kurti të enjten do të vizitojë kancelarin Nehammer në Vjenë, shkruajnë mediat austriake, përcjell Albora.ch.
Kryeministri i Kosovës tani vjen në Vjenë
Kryeministri i Kosovës, Albin Kurti, është duke bërë një hap tjetër drejt anëtarësimit të Kosovës në BE. Për kujtesë: Në dhjetor, vendi nënshkroi zyrtarisht një aplikim për anëtarësim dhe në një samit të Ballkanit Perëndimor u fol për “integrim të përshpejtuar”.
“Por ne nuk duam të hyjmë në BE as në korsinë e shpejtë e as nga dera e pasme”, tha Kurti në një intervistë për “Spiegel”.
Pesë vende të BE-së, përfshirë Spanjën dhe Rumaninë, nuk e njohin pavarësinë e Kosovës nga Serbia, por kryeministri është optimist.
Austria mban marrëdhënie të mira diplomatike me Kosovën, siç tregohet nga vizitat e kancelarit Karl Nehammer (OVP) në shtetin ballkanik. Të enjten do të ndërrohen rolet, kryeministri kosovar do të udhëtojë në Austri për një vizitë zyrtare në Ballhausplatz të Vjenës. Një takim i përbashkët pune dhe një pikë shtypi janë planifikuar rreth orës 13:30.
