Sezonet e ardhshme të alergjive do të fillojnë më shumë se një muaj më herët dhe do të jenë shumë më intensive për shkak të krizës klimatike, tregon një studim i ri.
Studimi , i botuar të martën në revistën Nature Communications, zbuloi se deri në fund të shekullit, sezoni i polenit mund të fillojë deri në 40 ditë më herët se sa ka ndodhur në dekadat e fundit, për shkak të ngrohjes globale, transmeton albora.ch.
Studiuesit zbuluan gjithashtu se numri vjetor i polenit mund të rritet deri në 250%.
“Poleni është diçka që është në radarin e njerëzve sepse ndikon në jetën e tyre të përditshme nëse jeni alergjik”, tha për CNN Allison Steiner, autore e studimit dhe profesor në Universitetin e Miçiganit.
“Një komponent i madh i popullsisë është i prekur nga këto alergji dhe njerëzit janë me të vërtetë të interesuar të kuptojnë se si [alergjitë e tyre] mund të ndryshojnë në mënyrë që ata të menaxhojnë më mirë simptomat e tyre.” /albora.ch/
Lexo edhe:
