Kremlini ka hedhur poshtë raportimet se presidenti rus Vladimir Putin planifikon të shpallë luftë kundër Ukrainës dhe të mobilizohet kombëtarisht kur Rusia përkujton fitoren e Bashkimit Sovjetik në Luftën e Dytë Botërore.
Zëdhënësi i Kremlinit Dmitry Peskov i ka quajtur raportimet “të pakuptimta” dhe thotë se “nuk ka asnjë shans për këtë”, raporton BBC.
Presidenti rus Vladimir Putin do të mbajë një fjalim më 9 maj dhe do të mbikëqyrë një paradë ushtarake në Sheshin e Kuq të Moskës, siç ndodh zakonisht për Ditën e Fitores.
Festa më e madhe publike në Rusi, Dita e Fitores, mbahet çdo vit më 9 maj. Lufta e Dytë Botërore kushtoi më shumë se 20 milionë jetë sovjetikëve.
Pushtimi i Ukrainës është përshkruar si një “operacion ushtarak special” dhe jo luftë nga Rusia.
