Tregu i ushqimit organik në Zvicër pati një rritje më të ngadaltë në vitin 2021 sesa një vit më parë. Megjithatë, konsumatorët po shpenzojnë më shumë se kurrë për produkte organike.
Sipas shifrave vjetore të publikuara nga shoqata e ushqimit organik Bio Suisse, tregu i produkteve organike u rrit me 0.6% në vitin 2021 për të arritur një pjesë prej 10.9% të tregut total.
Një nga arsyet e rritjes më të ngadaltë është se konsumatorët hanin në restorante më shumë dhe blenë më pak produkte organike për gatim në shtëpi sesa në vitin e parë të pandemisë, tha një zëdhënës i shoqatës.
Pavarësisht rritjes më të ngadaltë, shitjet organike tejkaluan 4 miliardë CHF (4.29 miliardë dollarë) për herë të parë. Vezët mbeten produktet organike më të njohura me 29.2% të tregut të vezëve, të ndjekura nga buka (26.3%) dhe perimet (23.8%). Produktet e qumështit përfaqësojnë peshën më të madhe kur bëhet fjalë për shitjet me 405 milionë CHF, në të njëjtin nivel si në vitin 2020.
Derisa organika bëhet më popullore, Bio Suisse thotë se ka intensifikuar kërkimin e saj për ferma të interesuara për të prodhuar sipas standardeve të saj./albora.ch/
