Të dielën, ditën e 46-të të pushtimit rus të Ukrainës, u publikuan imazhe satelitore që tregonin një autokolonë të madhe rus, rreth 13 kilometra të gjatë, duke lëvizur përmes Veliki Burlukut në rajonin e Harkivit.
Besohet se bëhet fjalë për një operacion të rigrupimit të ushtrisë ruse, e cila po përgatitet për fazën e dytë të, siç quhen në Kremlin, “operacionit special ushtarak”, pra për sulm në pjesët e Donbasit, të cilinat i kontrollojnë forcat ukrainase. Sipas një raporti operacional të mëngjesit nga Shtabi i Përgjithshëm i Ukrainës, forcat ruse po përpiqen të thyejnë mbrojtjen e Ukrainës në zonën e Izjumit, ndërsa ende përpiqen të vënë nën kontroll Mariupolin, por luftëtarët ukrainas vazhdojnë të rezistojnë atje. Rrethimi i pjesshëm dhe bombardimi i Kharkovit ka vazhduar.
Dhjetra civilë ukrainas u gjetën në një varr afër Kievit
Një varr i ri me dhjetëra civilë ukrainas u gjet të shtunën në Buzova, një fshat i çliruar pranë kryeqytetit Kiev që është pushtuar nga Forcat a ruse për të javë tëra, tha një zyrtar lokal. Taras Didich, kreu i distriktit Dmitrivka, i cili përfshin Buzova dhe disa fshatra të tjerë aty pranë, i tha televizionit ukrainas se trupat u gjetën në një kanal pranë një stacioni karburanti. Numri i të vdekurve ende nuk është konfirmuar.
“Tani ne po kthehemi në jetë, por gjatë okupimit kishte ‘pika të nxehta’ këtu, shumë civilë u vranë,” tha Didiç.
Reuters nuk mund ta konfirmonte menjëherë raportin. Ndërsa forcat ruse në javët e para të pushtimit ishin në ofensivë kundër Kievit, shumë vende përreth kryeqytetit – duke përfshirë Makarivin, Buchan, Irpinin dhe Dmitrivkan – ishin nën zjarr të vazhdueshëm. Mediat lokale ukrainase raportuan në fillim të prillit se viktimat u gjetën pranë Buzovës dhe rreth 30 trupa u gjetën në atë kohë. Me shumicën e qyteteve dhe fshatrave përreth Kievit tani të lirë, zbulimi i varreve masive dhe viktimave civile ka ndezur një valë dënimesh ndërkombëtare, veçanërisht për vdekjet e civilëve në qytetin e Bucha, në veriperëndim të kryeqytetit.
