Njëzet e pesë persona janë trajtuar për djegie pasi kanë ecur mbi thëngjij të nxehtë në Zvicrën veriore, sipas policisë kantonale të Cyrihut.
Shërbimet e urgjencës u thirrën për të trajtuar njerëzit për lëndime në një ngjarje private në gadishullin Au në liqenin e Cyrihut të martën në mbrëmje, tha policia në një deklaratë.
Ata thanë se 25 personave iu është dhënë trajtim mjekësor në vendngjarje dhe 13 prej tyre janë shtruar në spital me lëndime më të rënda. Policia ka siguruar provat dhe ka nisur hetimet.
Firewalking përfshin ecjen zbathur mbi një shtrat me prush të nxehtë ose gurë. Praktikohet në shumë pjesë të botës si një rit kalimi ose provë e forcës ose guximit. Është e pazakontë në Zvicër. Kjo praktikë thuhet se është përdorur gjithashtu në seminare të korporatave ose të krijimit të ekipit si ushtrime për ndërtimin e besimit.
Është e paqartë pse njerëzit në ngjarjen private po ecnin mbi thëngjij të ndezur, shkruan swissinfo.ch.
Foto: Pixabay / Ilustrim
