Po e preke në plis, të shkatërron.
Këtë guxoi ta bëjë Leo Tchula, duke ia hedhur në tokë plisin boksierit shqiptar Amarildo Bakaj, teksa u takuan sy më sy një ditë para duelit.
Me këtë inat, Bakaj vendosi sërish plisin në kokë dhe të nesërmen i dha një mësim të mirë gjermanit.
Në raundin e dytë, shqiptari nxori hak për plis, duke e nokautuar.
Pasi e rrahu, 23-vjeçari ia vuri kundërshtarit plisin në kokë, porse nuk pati reagim.
Vendin ia tregoi edhe boksierit serb Jahiq, i cili e kishte provokuar pothuajse në të njëjtën mënyrë. Pas dhjetëra grushteve që ia dha në bark, trajneri i serbit hodhi peshqirin, duke e dorëzuar luftën.
Amarildo Bakaj ka lindur në Lezhë, ndërsa jeton në Dortmund të Gjermanisë. Në boksin profesionist është i pamposhtur, garon në kategorinë gjysmë të rëndë dhe ka shtatë fitore, të gjitha i ka përfunduar para kohe.
Në videon më poshtë mund ta shihni videon dhe intervistën me boksierin shqiptar.
