Në Spitalin Pediatrik Fëmija Jezus në Romë, një vajzë 10-muajshe me peshë 8 kilogramë iu hoq nga mëlçia një tumor prej 2 kilogramësh.

Marketing

Sot foshnja, e cila pak kohë më parë ka mbushur një vjeç, është mirë, ushqehet pa probleme dhe ka filluar të rritet sërish rregullisht.

Operacioni kompleks, i cili zgjati mbi 6 orë, u krye nga ekipi i Marco Spada, shef i Kirurgjisë Hepato-Bilio-Pankreatike dhe i transplanteve të mëlçisë dhe veshkave të Fëmijës Jezus.

Kanë qenë prindërit e alarmuar që e kanë çuar vogëlushen në Urgjencën e spitalit, e cila krahasuar me vëllain e saj binjak ka shfaqur enjtje të barkut dhe mungesë oreksi.

Ekografia e kryer menjëherë tregoi një lezion të madh me përmbajtje të lëngshme në mëlçi.

Fëmija iu nënshtrua një vlerësimi multidisiplinor dhe u konfirmua një neoplazi e mëlçisë, me diametër mbi 13 cm, e cila zinte tërësisht pjesën e djathtë dhe qendrore të organit.

Vajzës së vogël i është hequr pjesa më e madhe e mëlçisë për shkak të një hamartoma mezenkimale, një tumor beninj që rezulton nga rritja jonormale e qelizave të mëlçisë me origjinë mezenkimale.

Termi hamartoma vjen nga fjala greke që do të thotë “gabim”.

Qelizat që përbëjnë hamartomën janë normale, por rriten në mënyrë të çorganizuar.

Edhe pse i rrallë, është tumori i dytë më i shpeshtë që mund të zhvillohet në mëlçi tek fëmijët, veçanërisht në dy vitet e para të jetës.

Megjithatë, një biopsi e lezionit nuk do të kishte lejuar me siguri të konfirmonte natyrën beninje të tumorit dhe për këtë arsye ishte e nevojshme të vazhdohej me heqjen kirurgjikale, e cila megjithatë do të kishte lënë një sasi të pamjaftueshme të mëlçisë së shëndetshme.

Prandaj ekipi i mjekëve vendosi të adoptojë një strategji inovative e cila bën të mundur që brenda pak javësh të arrihet një rritje e vëllimit të mëlçisë së shëndetshme, e cila është e destinuar të mbetet pas heqjes së tumorit.

Kjo metodë e radiologjisë endovaskulare quhet embolizimi portal:

Deri më sot, në literaturë janë përshkruar vetëm 8 raste të kryera në pacientë pediatrikë dhe vetëm dy prej tyre ishin aq të vegjël sa pacienti i spitalit Fëmija Jezus.

4 javë pas embolizimit portal,një skanim i ri CT me rindërtim 3D konfirmoi se mëlçia e shëndetshme ishte dyfishuar, duke shkuar nga një vëllim i vlerësuar prej 80 në 120 ml, duke favorizuar kushtet për kryerjen e operacionit.

Marketing