Është fundosur një restorant lundrues që ishte pikë referimi e famshme në Hong Kong, disa ditë pasi u tërhoq nga porti ku funksiononte për gati 50 vjet.
Restoranti “Jumbo” u përmbys në Detin e Kinës Jugore teksa po udhëtonte për në një vend të pazbuluar, thanë nga kompania e tij mëmë.
Aberdeen Restaurant Enterprises thanë se ishin “shumë të pikëlluar nga incidenti”, por se asnjë anëtar i ekuipazhit nuk u lëndua.
Restoranti u mbyll në mars 2020 pasi goditi pandemia COVID-19.
Më shumë se 3 milionë të ftuar besohet se kanë ngrënë në kuzhinën e saj kantoneze gjatë viteve, duke përfshirë Mbretëreshën e Britanisë, Tom Cruise dhe Richard Branson.
Ai ishte shfaqur në disa filma – duke përfshirë një film të Bond-it – por pandemia i dha biznesit një goditje fatale, teksa darkuesit filluan të largohen.
Inxhinierët e marinës ishin punësuar për të inspektuar restorantin lundrues përpara udhëtimit dhe “të gjitha miratimet përkatëse” ishin bërë, thanë pronarët.
Anija duhej të qëndronte në një vend të pazbuluar teksa priste një operator të ri. Por ajo u fundos të dielën pranë ishujve Paracel pasi “ndeshi kushte të pafavorshme” dhe filloi të mbushej me ujë. Thellësia e ujit në vendngjarje është mbi 1000 metra, duke e bërë jashtëzakonisht të vështirë kryerjen e punimeve të shpëtimit, thanë në Aberdeen Restaurant Enterprises.
Teksa pandemia ishte pika e fundit për restorantin, ai ishte përballur me probleme financiare prej vitesh.
Operatori, Melco International Development, tha muajin e kaluar se biznesi nuk kishte qenë fitimprurës që nga viti 2013 dhe po përballej me humbje të mëdha.
