Tre persona janë vrarë dhe katër të tjerë janë plagosur në një sulm me thikë në një qytet pranë Tel Avivit, sipas autoriteteve izraelite.
Dy nga të plagosurit, një 60-vjeçar dhe një 35-vjeçar, janë në gjendje të rëndë, thanë shërbimet e urgjencës.
Ministria e Jashtme e vendit e përshkroi incidentin si një “sulm terrorist vdekjeprurës”.
Policia tha se besonte se sulmuesi i dyshuar kishte ikur me një automjet.
Forcat e sigurisë kanë ngritur postblloqe në zonën përreth incidentit, i cili ndodhi në qytetin qendror të Eladit, teksa reaguesit e parë të “United Hatzalah” thanë se po trajtonin njerëzit në vendngjarje.
Ish-kryeministri i Izraelit, Benjamin Netanyahu, e përshkroi sulmin si “shumë serioz”.
“U dërgoj ngushëllimet e mia familjeve të të vrarëve, lutem për paqen e të plagosurve dhe forcoj duart e forcave të sigurisë që aktualisht punojnë në terren kundër terroristëve”, tha ai.
Sulmi u krye ndërsa vendi festonte Ditën e Pavarësisë./albora.ch/
