Kur ka mbetur më pak se një muaj deri në mbylljen e afatit kalimtar, shanset e Cristiano Ronaldos për t’u larguar nga Manchester United vazhdojnë të zvogëlohen.
Ai ua ka bërë të qartë se dëshiron të largohet drejt një skuadër të re, pasi Djajtë e Kuq nuk arritën të kualifikoheshin në Ligën e Kampionëve, por deri më tani, anglezët kanë refuzuar çdo ofertë të bërë për yllin portugez.
Pra, ku qëndrojnë gjërat në këtë moment? Ronaldo nuk udhëtoi me shokët e tij të skuadrës për stërvitje parasezonale në Tajlandë dhe Australi. Kur u kthyen në Manchester, Ronaldo dhe agjenti i tij Jorge Mendes u takuan me drejtuesit për të diskutuar të ardhmen e tij.
As Ferguson nuk arriti ta bindë atë
Cristiano u shfaq në Carrington, objektet sportive të Man United, me agjentin e tij Mendes më 26 korrik. Sir Alex Ferguson po e priste aty me shpresën për ta bindur atë të rishqyrtojë pozicionin e tij dhe të mbetet me klubin.
Në vend të kësaj, Ronaldo ripohoi synimin e tij për t’u larguar nga Djajtë e Kuq.
Prej aty, ai filloi të stërvitet me ekipin U23 dhe nuk shkoi në Oslo për ndeshjen kundër Atletico Madridit, por luajti kundër Rayo Vallecano në “Old Trafford”.
Working in progress…💪🏽 pic.twitter.com/E2G5ZEayeG
— Cristiano Ronaldo (@Cristiano) July 30, 2022
Megjithatë, ai luajti vetëm pjesën e parë dhe u largua nga stadiumi para përfundimit të ndeshjes, diçka që menaxheri Erik ten Hag nuk e vlerësoi.
“Është e papranueshme”
Holandezi goditi Ronaldon, së bashku me planet e tjera, që u larguan herët nga ndeshja.
“Unë sigurisht nuk e fal këtë. Kjo është e papranueshme. Për të gjithë. Ne jemi një ekip dhe ju duhet të qëndroni deri në fund”, ka thënë Ten Hag.
Happy to be back 💪🏽🙏🏽 pic.twitter.com/Fp6dpBTXcb
— Cristiano Ronaldo (@Cristiano) July 31, 2022
Sipas mediave Ten Hag tashmë e ka përjashtuar Ronaldon për një vend titullari në ndeshjen hapëse të së dielës kundër Brighton.
Jadon Sancho, Anthony Martial ose Marcus Rashford mund të zënë vendin e tij, megjithëse francezi mund të mos rikuperohet në kohë pas një goditjeje të marr kundër Atletico Madridit.
Afati kalimtar do të qëndrojë i hapur deri më 1 shtator, por a do të largohet Cristiano me sezonin që nis këtë javë?
A do të pranojë të qëndrojë në stol? A do të heqë dorë nga dëshira e tij për t’u larguar nga United, edhe pse ata nuk mund t’i japin futboll në Ligën e Kampionëve?
Me gjithë këta skenarë ende të pavendosur, të gjithë sytë do të jenë tek mënyra se si do të luhet kjo telenovelë në javët e ardhshme.
