Çifti i njohur i showbizit dhe një ndër më të preferuarit nga publiku, Bella Thorne dhe Benjamin Mascolo janë ndarë.
Dyshja u fejuan me 21 Mars të vitit 2021 dhe kishin tre vite së bashku. Lajmin e ka bërë të ditur Mascolo me anë të një postimi shumë të ndjerë në rrjete sociale.
Ai ka treguar se Bella i ka ndryshuar jetën dhe falë saj ka mësuar se çfarë do të thotë dashuri pa kushte. “I premtova vetes se do ta përqafoj dhimbjen dhe parehatinë që vjen nga ndarja me gruan që dua më së shumti dhe do e dua gjithmonë”, ka shtuar ai, duke zbuluar se vazhdon ta dojë aktoren.
Megjithatë, për arsye që ende nuk dihen, dyshja kanë vendosur të ndajnë rrugët. Mascolo ka vazhduar duke thënë se është gati për një kapitull të ri në jetën e tij. “Të biesh në dashuri është një ndër dhuratat më të bukura që ne përjetojmë në jetë dhe historia jonë është një ndër të shumtat që përfundojnë çdo ditë, duke lënë hapësirë për bashkime dhe për premtime të reja ndërmjet njerëzve. Lidhjet lindin dhe vdesin, njëjtë si njerëzit. Është cikli natyror i jetës dhe unë e pranoj plotësisht”, ka shkruar këngëtari, teksa e ka mbyllur deklaratën me fjalët: I uroj vetëm më të mirat këtij personi dhe do jem gjithmonë aty për të. Të dua!
