Një grup aktivistësh nga shoqata Renovate Switzerland bllokuan autostradën në Lozanë mëngjesin e sotëm, në hyrjen jugore të qytetit afër Maladière, e cila është gjithmonë e bllokuar gjatë orëve të pikut.
Qëllimi i aksionit, i shpallur gjatë fundjavës, është të denoncojë palëvizshmërinë e qeverisë zvicerane përballë krizës klimatike, transmeton albora.ch.
Pesë aktivistë u ulën në rrugë për të bllokuar trafikun. Policia, e ndërhyrë me patrulla të ndryshme, ka evakuuar militantët.
Evakuimi u bë në qetësi dhe pas një çerek ore trafiku rifilloi normalisht, zbuloi në vend një i dërguar i Keystone-ATS. Njerëzit do të raportohen, tha policia përmes Twitter.
La gendarmerie a interpellé une dizaine de personnes qui ont bloqué les véhicules à l’arrêt sur la chaussée lac de l’autoroute Lausanne Sud à la hauteur de Malley entre 07h50 et 08h20. Les personnes seront dénoncées. Le trafic a été rétabli à 08h22.
— Police vaudoise (@Policevaudoise) April 11, 2022
Renovate Switzerland është dega zvicerane e një lëvizjeje të “rezistencës civile” të krijuar së fundmi që ekziston tashmë në një duzinë vende të tjera. Në Francë quhet Dernière Renovation dhe në SHBA Shpallni Emergjencën.
Operacioni i mëngjesit të sotëm në Lozanë është i pari në Zvicër. Në një dosje dërguar shtypit, Renovate Switzerland premton të vazhdojë aksionet e protestës derisa Këshilli Federal të dëgjojë kërkesën e tij. Konkretisht: zbatimi i një plani kombëtar për rinovimin e një milion pronash deri në vitin 2040./albora.ch/
