Presidenti i SHBA-së Joe Biden e ka uruar Kosovën në 14 vjetorin e pavarësisë.
Kjo letër urimi është publikuar nga presidentja e vendit Vjosa Osmani, e cila ka shtuar se presidenti Biden në këtë letër ka potencuar se Shtetet e Bashkuara mbesin partner i palëkundur i Kosovës.
Biden tha se Kosova ka treguar lidership në arenën ndërkombëtare gjatë këtij viti.
“Presidenti Biden, në këtë urim, duartroket punën dhe përkushtimin tonë për forcimin e demokracisë dhe në luftën kundër krimit e korrupsionit, teksa kërkon që dialogu të përqendrohet në njohje reciproke. Sipas tij, në Samitin për Demokraci, Kosova ka dëshmuar se është e gatshme ta ndajë përvojën me shtete të tjera, ndaj thekson se gjatë këtij viti Kosova vazhdimisht ka treguar lidership në arenën ndërkombëtare. Në urimin e tij, presidenti Biden ka përsëritur faktin e lidhjes së veçantë, të cilën familja Biden e ka me vendin tonë”, ka shkruar presidentja Osmani./albora.ch/
