Punonjësit e shëndetësisë zhvilluan një protestë në Bruksel të Belgjikës për përmirësimin e kushteve të punës. Mijëra njerëz që erdhën nga qytete të ndryshme të vendit dhe u mblodhën para Stacionit Verior të Trenit në Bruksel që nga ora 10:30 me kohën lokale, dhe u nisën në këmbë drejt Stacionit Jugor të Trenit.
Punonjësit e shëndetësisë me veshje jeshile, të kuqe dhe të kaltër brohoritnin parulla dhe mbanin pankarta që kritikonin ngarkesën e madhe, pagat e ulëta dhe kushtet e pafavorshme të punës për shkak të mungesës së personelit.
Përveç punonjësve të spitaleve, ofruesit e kujdesit në shtëpi, punonjësit e shtëpive të të moshuarve edhe kujdestaret e fëmijëve gjithashtu morën pjesë në protestë.
Punonjësit publikë në Belgjikë organizojnë periodikisht protesta dhe shkojnë në grevë me arsyetimin se pagat e tyre nuk janë përmirësuar kundër rritjes së çmimeve të energjisë dhe kostos së jetesës.
