Mund të jenë thjesht thashetheme, por prej disa ditës kanë filluar të shtohen informacionet dhe detajet që flasin për një ndarje të mundshme mes Gerard Pique dhe Shakiras.
Një shembull i kësaj është artikulli i publikuar nga Emilio Pérez de Rozas në gazetën El Periódico , me titullin “A e keni lexuar këngën e fundit të Shakirës?” , ku gazetari veteran ofron disa hipoteza që sugjerojnë se marrëdhënia mes të çiftit nuk po kalon momentin më të mirë.
Shakira dhe Pique u takuan në vitin 2010, viti kur Spanja fitoi Kupën e Botës në Afrikën e Jugut kundër Holandës dhe që atëherë çdo gjest i çiftit është interpretuar si krizë. Aq më tepër po të kemi parasysh se profesionet dhe bizneset e tyre i detyrojnë të promovojnë edhe jetën e pavarur. Veç kësaj, disa dyshime ngre edhe fakti që ata nuk e kanë zyrtarizuar asnjëherë lidhjen e tyre ligjërisht, megjithëse Shakira e shpjegoi arsyen në atë kohë dhe Pique e konfirmoi një muaj më parë.
Kolumbianja, e cila ka dy fëmijë me qendërmbrojtësin, rrëfeu frikën e saj nga martesa duke shtuar se preferonte të mos martohej pasi Pique duhet të vazhdonte ta shihte atë si një “frut të ndaluar” për ta mbajtur atë “të vëmendshëm”.
