Si pjesë e sanksioneve që Këshilli Federal miratoi të hënën, qytetarët rusë nuk mund të hyjnë më në Zvicër dhe ata që janë tashmë në vend duhet të largohen.
Shtetasit rusë të pranishëm në Zvicër do të duhet të largohen nga vendi kur skadon viza e tyre turistike. Të hënën, Këshilli Federal pezulloi një rregull të vitit 2009 që lejonte rusët të merrnin viza afatshkurtra për të vizituar Zvicrën, transmeton albora.ch.
Ky vendim shtrihet vetëm për turistët rusë dhe vizitorët e tjerë që kanë nevojë për vizë për të hyrë në Zvicër; Banorët e përhershëm me leje B ose C nuk përfshihen në sanksione dhe në këtë mënyrë lejohen të qëndrojnë në Zvicër.
Largimi nga Zvicra, megjithatë, nuk është aq i thjeshtë sa duket, sepse aeroplanët rusë nuk mund të ulen më në tokën zvicerane, dhe anasjelltas.
Pra, si duhet të kthehen rusët në shtëpi?
“Organizimi i udhëtimit të kthimit është përgjegjësi e personave të interesuar; Zvicra nuk ofron asnjë mbështetje në këtë drejtim”, tha zëdhënës i Sekretariatit Shtetëror për Migracionin.
Meqenëse Bashkimi Evropian ka të njëjtat sanksione, këta turistë nuk mund të fluturojnë thjesht në një vend të BE-së dhe të arrijnë në Rusi prej andej.
Due to the current developments, we no longer operate flights to/from Russia with immediate effect until the end of March. Affected passengers will be informed. We will also no longer use Russian airspace until further notice and continue to monitor the situation closely. pic.twitter.com/hgwGfr5zLR
— Swiss Intl Air Lines (@FlySWISS) February 28, 2022
Në të kundërt, qytetarët ukrainas kanë mundur të vijnë në Zvicër pa vizë që nga viti 2017; kërkesa e vetme ishte pasaporta biometrike.
Nga 28 shkurti, megjithatë, ky rregull është hequr dhe ukrainasit tani mund të hyjnë me çdo lloj pasaporte të vlefshme. Ukrainasit gjithashtu kanë të drejtë të udhëtojnë falas brenda Zvicrës me transport publik drejt destinacionit të tyre përfundimtar./albora.ch/
Lexo edhe:
Ushtria e Zvicrës mund të mposhtet brenda pak ditësh