Policia amerikane ka vënë në pranga një 24 vjeçar shqiptar nën akuzën e mashtrimit financiar.
I riu është arrestuar në zonë e Collier të SHBA-ve.
Bëhet fjalë për shtetasin Marian Kola, i cili u vu nën pranga të enjten e kaluar nën akuzën se drejtonte një kompani të rreme të ajrit të kondicionuar dhe mashtronte klientët.
Sipas mediave të huaja, Kola mashtroi një të moshuar duke përfituar nga ai shumën prej 14 mijë dollarë.
Ndaj tij u bë një padi nga një 77-vjeçare të cilës i kishte montuar një sistem ajrimi pa asnjë lloj garancie dhe më pas i kishte marrë shuma të majme për shërbimet e tij po pa arritur t’i rregullonte problemin.
E moshuara kishe tentuar ta telefononte vazhdimisht por ai nuk i përgjigjej më telefonatave të saj.
Gjatë hetimeve policia ka zbuluar se Kola operonte me biznesin e tij pa license.
Ndaj tij u mor masa e arrestit me burg për arsye sigurie që i dyshuari të mos ishte në gjendje të largohej drejt Shqipërisë të cilën e kishte vizituar 5 herë gjatë vitit të kaluar.
