Kryeministri Edi Rama ka dhënë lajmin e mirë, pasi vitin e shkuar numri i turistëve që kanë vizituar vendin tonë ka qenë në shifra rekord.
Sipas kreut të qeverisë, përgjatë vitit të kaluar vendin tonë e kanë vizituar 7.5 milionë turistë të huaj.
Me anë të një postimi në Facebook, Rama ka renditur shifrat, të cilat tregojnë se Shqipëria ka patur më shumë vizitorë se vendet e rajonit por edhe se vendet e tjera europiane.
Postimi i Ramës:
Shqipëria turistike
7,5 milionë turistë të huaj vizituan vendin tonë gjatë vitit 2022, duke i besuar Shqipërisë pushimet e tyre, jo vetëm gjatë sezonit veror por edhe përgjatë stinëve të tjera të vitit. Janë 1,9 milionë më shumë se viti 2021 dhe 18% më shumë se viti 2019, që deri tani mbante rekordin e shifrave
Ndërsa patëm edhe të dhëna interesante të tregjeve të reja që po rriten me shpejtësi, si
85% më shumë vizitorë nga Anglia;
3,7 herë më shumë vizitorë nga Spanja;
2 herë më shumë vizitorë nga Sllovenia;
3 herë më shumë vizitorë nga Holanda;
84% më shumë vizitorë nga Turqia;
2 herë më shumë nga vendet nordike; pa harruar edhe mysafirët nga #Kosova, Maqedonia e hyrjet nga vendet e tjera të Ballkanit
#TëBashkuarJoTëNdarë
#ShqipëriaEArdhmjaJonë
#SkaKohëPërPushim
